2 Тимотеос

3 Эмма соңкы гүнлерде җуда кын дөврүң болҗакдыгыны билип гой. 2 Себәби адамлар өзүни билйән, пулы сөййән, өвүнҗең, текепбир, Худая дил етирйән*, ата-энесине гулак асмаян, гадыр билмез, бивепа, 3 доган-гарындашларыны сөймейән, эглишик этмейән, төхметчи*, өзүне эрк этмейән, залым*, ягшылыгы йигренйән, 4 дөнүк, кесир, гопбамсы, Худайы дәл-де, леззети сөййән, 5 Худайың ёлунда йөрән болуп, муны иш йүзүнде гөркезмейән адамлар болар. Шейле адамлардан гача дур. 6 Оларың кәбири алдамак үчин адамларың өйлерине мекирлик билен гирйәрлер ве дүрли хөвеслериң торуна дүшен хем-де гүнә батан эҗиз аялларың башыны айлаярлар. 7 Бу аяллар хемише билим алярлар, йөне хакыката хич дүшүнип билмейәрлер.

8 Шол адамлар хем Муса гаршы чыкан Яннис ве Ямбрис ялы хакыката гаршы чыкярлар. Шейле адамларың аң-дүшүнҗеси долы заяланандыр. Иманда йөремейәндиклери үчин, Худай олардан йүз өвүрйәр. 9 Эмма олар хич хили үстүнлик газанмазлар, себәби оларың акылсызлыгы Яннис билен Ямбрисиңки ялы аян болар. 10 Сен велин өвреден затларыма, яшайшыма, максадыма, иманыма, сабырлылыгыма, сөйгиме ве чыдамлылыгыма долы эерйәрсиң. 11 Галыберсе-де, Антиохияда, Иконияда, Листрада чекен эҗирлерими билйәрсиң. Мен олара чыдадым, Худай хем мени оларың барындан халас этди. 12 Аслында, Месих Исаның шәгирди хөкмүнде Худая вепалы яшамак ислейәнлериң әхлиси ызарланар. 13 Эмма залым ве яланчы адамлар башгалары алдап, өзлери-де алданып, эрбет ишлери этмекде хас-да өкделешерлер.

14 Сен велин өвренен ве иман эден затларыңа эермегиңи довам эт, себәби булары ынамдар адамлардан өвренипдиң. 15 Сен мукаддес язгылары бәбекликден билйәрсиң, олар халас болмагың үчин сени акылдар эдип билйәр, себәби сен Месих Иса иман эдйәрсиң. 16 Язгыларың хеммеси Худайың ылхамы билен язылып, өвретмек, кәемек, догры ёла гетирмек* ве Худайың догры кадалары боюнча тербиелемек үчин пейдалыдыр. 17 Олар Худайың гуллукчысыны хемме тараплайын укыплы эдип, хер бир ягшы ише долы тайярлаяндыр.