SAPAK 4

Aýatlary okamazdan öň giriş sözlerini aýdyň

Matta 22:41—45

BELLIK: Aýady okamazdan öň, diňleýjileriň ünsüni çekmeli.

Okajak aýadyňyzyň maksady barada oýlanyň. Diňleýjileriň ünsüni okajak aýadyňyzdaky esasy pikire çeker ýaly, ony okamazdan öň, giriş sözlerini aýdyň.

Aýadyň kontekstine üns beriň. Aýatdaky sözleri kimiň aýdandygyny ýa-da şol kitaby kimiň ýazandygyny anyklaň.
Ýazgylara esaslanyp öwrediň. Hudaýa iman edýän adamlar bilen gürrüňdeş bolanyňyzda, olaryň ünsüni Mukaddes Ýazgylara çekiň we onda iň gowy maslahatlaryň bardygyny görkeziň.
Aýatlary okamaga isleg dörediň. Aýada degişli sorag beriň we şol aýatda jogabynyň bardygyny görkeziň. Şeýle-de aýadyň peýdasyny we şoňa degişli Ýazgylardan bir wakany belläp geçiň.

Diňleýjileriň tema we aýat barada näme bilýändigi hakda oýlanyň. Olar okaýan aýadyňyz bilen tanyş bolsa-da, ondaky jikme-jikliklere has aýdyň ýa-da täzeçe düşünmäge kömek ediň.