SAPAK 18

Diňleýjiler üçin peýdaly maglumaty ulanyň

1 Korinfliler 9:19—23

BELLIK: Diňleýjileri oýlanmaga höweslendirmeli we olar täze bir zat öwrenendiklerini duýmaly.

Diňleýjileriň näme bilýändigi hakda oýlanyň. Diňleýjileriň öňki bilýän zatlaryny ýöne bir gaýtalamagyň deregine, olara temadan täze bir zat öwrenmäge kömek ediň.

Tanyş pikirleri çaltrak, täze pikirleri bolsa, haýalrak aýdyň.
Gözleg geçiriň we oýlanyň. Eger mümkin bolsa, esasy pikirlere düşünmäge kömek etmek üçin känbir tanyş bolmadyk ýa-da ýaňy-ýakynda bolup geçen wakalary ulanyň. Çykyş edýän temaňyz bilen tapan maglumatyňyzyň nähili baglanyşygynyň bardygy hakda oýlanyň.

Taýýarlananyňyzda, özüňize «kim, näme, nire, näme üçin, haçan we nädip» diýen ýaly soraglary berip, temany aňyňyzda berk ornaşdyryň. Çykyşyňyzyň dowamynda şol soraglaryň käbirini agzap geçseňiz we jogabyny aýtsaňyz, çykyşyňyz hasam täsirli bolar.
Peýdasyny görkeziň. Diňleýjilere Ýazgylardaky pikirleriň durmuşda nädip kömek edýändigini düşündiriň. Olara tanyş bolan belli bir ýagdaýlary, garaýyşlary we zatlary agzap geçiň.