«Muny berjaý ediň»
Ýatlama agşamy 5-nji aprelde geçiriler
1. Ýatlama agşamyny bellemek näme üçin wajyp?
1 «Muny meni ýada salmak üçin berjaý ediň» (Luka 22:19). Isa şägirtlerine şeýle diýmek bilen, ölen gününi bellemegi tabşyrdy. Mesihçiler töleg gurbanynyň ähmiýetini göz öňünde tutup, Ýatlama agşamy bellenilýän güni wajyp hasaplaýarlar. Biz şu ýyl 5-nji aprelde geçiriljek Ýatlama agşamy üçin, Ýehowa nädip minnetdarlygymyzy görkezip bileris? (Kol. 3:15).
2. Biz nämäni okap we oýlanyp, Ýatlama agşamyna minnetdarlygymyzy görkezip bileris?
2 Taýýarlyk. Biz wajyp saýýan zatlarymyza gowy taýýarlyk görýäris. Biz Isanyň ýer ýüzündäki ýaşaýşynyň soňky günlerinde bolan wakalary maşgalamyz bilen bile okap we oýlanyp, Ýatlama agşamyna ýüregimizi taýýarlap bileris (Ezra 7:10). Ýehowanyň Güwäçileriniň kalendarynda we «Mukaddes Ýazgylary her gün öwreneliň» diýen broşýurada okalmaly aýatlar berilýär. Şeýle-de 2011-nji ýylyň 1-nji fewralynda çykan «Garawul diňiniň» 23, 24-nji sahypalarynda «Iň beýik adam» kitabyndan okalmaly baplar berilýär.
3. Ýatlama agşamyna minnetdarlygymyzy görkezer ýaly, köpräk wagyz etmek üçin näme etmeli?
3 Wagyz etmek. Biz yhlasly wagyz edip hem minnetdarlygymyzy bildirip bileris (Luka 6:45). Bütin dünýäde dogan-uýalar 17-nji martda şenbe gününden başlap, adamlary Ýatlama agşamyna çagyrarlar. Siz köpräk wagyz etmek ýa-da kömekçi pioner bolup gulluk etmek üçin gün tertibiňizi üýtgedip bilersiňizmi? Bu barada indiki maşgala okuwynda ara alyp maslahatlaşsaňyz gowy bolardy.
4. Ýatlama agşamyna gatnaşmak näme üçin peýdaly?
4 Her ýyl Ýatlama agşamyna gatnaşmak biziň üçin örän peýdaly! Ýehowanyň söýgi bilen ýalňyz ogluny biziň üçin gurban bermegi, Oňa bolan söýgimizi we şatlygymyzy artdyrýar (Ýahýa 3:16; 1 Ýahýa 4:9, 10). Şol sebäpli biz indi özümiz üçin ýaşamaýarys (2 Kor. 5:14, 15). Şeýle-de biz Ýehowany şöhratlandyrmak isleýäris (Zeb. 102:19—22). Ýehowanyň minnetdar gullukçylary Isanyň «ölümini yglan» etmek üçin 5-nji aprelde geçiriljek Ýatlama agşamyna sabyrsyzlyk bilen garaşýarlar (1 Kor. 11:26).