Russiýa Ukraina hüjüm edýär

Köp ýurtlaryň baştutanlary garşy çyksa-da, 2022-nji ýylyň 24-nji fewralynda irden Russiýanyň goşuny Ukraina çozdy. Iki ýurduň arasyndaky harby çaknyşyk dünýäniň ýagdaýyna nähili täsir eder? Şondan birnäçe gün öň, BMG-nyň Baş kätibi Antoniu Guterriş şeýle diýdi: «Russiýa bilen Ukrainanyň arasyndaky dawa Ýewropa ýurtlarynyň we bütin dünýäniň asudalygyny hem parahatlygyny bozar, köp adamlar ejir çeker».

Mukaddes Kitapda häzirki bolýan wakalar hakda näme diýilýär?

• Isa pygamber «milletiň millete, patyşalygyň patyşalyga garşy çykjakdygyny» aýdypdy (Matta 24:7). Şu pygamberligiň ýerine ýetişi barada köpräk bilmek üçin «„Soňky günlerde“ ýa-da „ahyrzamanyň“ öňüsyrasynda ýaşaýandygymyzy haýsy alamat görkezýär?» atly makalany okaň.

• Ylham kitabyndaky «dor at» uruşlary aňladýar. «Atyň üstünde oturana ýer ýüzünden parahatlygy aýyrmak ygtyýary» berlipdi (Ylham 6:4). Ylham kitabyndaky pygamberligiň şu günler nädip ýerine ýetýändigini bilmek üçin «Dört atly nämäni aňladýar?» diýen makalany okaň.

• Danyýar kitabynda «demirgazyk patyşasy» bilen «günorta patyşasynyň» biri-birine garşy çykjakdygy pygamberlik edilýär (Danyýar 11:25—45). Russiýa bilen tarapdarlaryna näme üçin demirgazyk patyşasy diýilýär? Muny bilmek üçin «Danyýar 11-nji bapdaky pygamberligiň ýerine ýetişi» diýen wideony görüňa.

• Ylham kitabynda «Gudratygüýçli Hudaýyň beýik gününde boljak söweş» hakda hem aýdylýar (Ylham 16:14, 16). Şol söweş şu wagtky halklaryň arasyndaky söweş ýaly bolmaz. Hudaýyň söweşi hakda köpräk bilmek üçin «Armageddon söweşi näme?» diýen makalany okaň.

Uruşlar haçanam bolsa gutararmyka?

• Mukaddes Kitapda Hudaýyň «ýeriň dört künjeginde uruşlary togtatjakdygy» aýdylýar (Zebur 46:9). Allanyň wadalary barada bilmek isleseňiz, «Ýagty gelejege umyt» atly makalany okap bilersiňiz.

• Isa pygamber şägirtlerine Hudaýyň Patyşalygynyň gelmegi hakda dileg etmegi öwretdi (Matta 6:9, 10). Patyşalyk — Hudaýyň gökdäki hökümeti. Patyşalygy arkaly Hudaý bütin ýer ýüzünde islegini amala aşyrar, şonda parahatlyk bolar. Patyşalygyň size berjek bereketleri barada «Hudaýyň Patyşalygy näme?» diýen wideodan görüň.

Ukrainada 129 000-den gowrak Ýehowanyň Şaýady ýaşaýar. Olar Isa pygamberiň göreldesine eýerip, syýasata we urşa goşulmaýar (Ýahýa 18:36). Diňe Hudaýyň Patyşalygy dünýädäki kynçylyklary we uruşlary doly aýryp biler. Ýehowanyň Şaýatlary bu barada adamlara wagyz edýärler (Matta 24:14). Geljekki gowy durmuş hakda köpräk bilmek üçin biziň bilen habarlaşyň.