Ýüregiňizi taýýarlaň

Biz Ýehowanyň pikirine, garaýşyna we niýetine düşünip, ony razy edip ýaşamagy öwrenmek üçin şahsy okuwyny geçirmeli. Hydyr mürze «Ýehowanyň kanunyny çuňňur öwrenip berjaý etmäge... ýüregini taýýarlapdy» (Hyd. 7:10, çykgyt). Biz onuň göreldesine nädip eýerip bileris?

Doga ediň. Şahsy okuwyna başlamazdan öň Ýehowadan akyldarlyk sorap doga ediň. Şeýle-de öwrenen zatlaryňyza düşünip, durmuşda ulanar ýaly kömek soraň (Zeb. 119:18, 34).

Pesgöwünli boluň. Ýehowa Mukaddes Kitapdaky hakykaty ulumsy we bilimine buýsanýanlara däl-de, pesgöwünli adamlara açýar (Luka 10:21). Biz şahsy okuwyny geçirenimizde bilimimiz bilen başgalary haýran galdyrjak bolmaly däl. Gaýtam Ýehowanyň pikirine düşünmeli we nädogry garaýşymyzy düzetmeli.

Guramanyň aýdymlaryny diňläň. Aýdym-saz ýürege güýçli täsir edýär. Şahsy okuwyny geçirmezden öň guramanyň aýdymlaryny diňleseňiz, ünsüňizi jemläp bilersiňiz.