Isa «gulak asmagy öwrendi»

Isa hemişe Ýehowa gulak asýardy (Ýah. 8:29). Emma Mukaddes Kitapda: «Ol... görgi görüp, gulak asmagy öwrendi» diýilýär (Ýew. 5:8). Näme üçin?

Isa pygamber ýerde ýaşanda öň duş gelip görmedik ýagdaýlaryna duş geldi. Meselem, ol hudaýhon, ýöne günäli ene-atanyň elinde önüp-ösdi (Luka 2:51). Isa zalym ruhanylaryň we ýolbaşçylaryň elinden görgi gördi (Mat. 26:59; Mar. 15:15). Şeýle-de jebir çekip öldi. Mukaddes Kitapda: «(Ol) özüni kiçeldip, tä ölýänçä... gulak asdy» diýilýär (Flp. 2:8).

Şeýdip, Isa ýerde ýaşanda täze ýagdaýlarda Ýehowa gulak asmagy öwrendi. Ol biziň ýagdaýymyza düşünýän kämil Patyşa we Baş ruhany boldy (Ýew. 4:15; 5:9). Isa görgi görüp, gulak asmagy öwrenensoň, onuň Ýehowa bilen dostlugy has-da berkedi we islendik ýumşy ýerine ýetirmäge taýýardy. Bizem kyn ýagdaýlarda-da Ýehowa gulak assak, Onuň bilen dostlugymyz berkär we islendik ýumşy ýerine ýetirmäge taýyn bolarys (Ýak. 1:4).