Mukaddes Kitaby her gün okamaga kömek edýän maslahat

Biz günüň dowamynda köp işlere ýetişmeli bolýarys. Şeýlelikde, Hudaýyň Sözüni her gün okamagy ýatdan çykarýarys (Ýuşa 1:8). Şu maslahatlar size kömek eder.

• Telefonyňyza duýduryjyny gurnaň. Mukaddes Kitaby okamaly wagty ýatladar ýaly telefonyňyza jaňly duýduryjyny gurnaň.

• Mukaddes Kitaby el ýüzünde goýuň. Sizde Mukaddes Kitabyň çap edilen görnüşi bar bolsa, görünýän ýerde goýsaňyz her gün okarsyňyz (5 Mus. 11:18).

• Ses ýazgysyny diňläň. Öz işleriňizi edýän wagtyňyz Mukaddes Kitabyň ses ýazgysyny diňläň. Tara uýa pioner bolup gulluk edýär. Ol çagalaryny eklemek üçin gijeki nobatda işleýär. Ol şeýle diýýär: «Men öýüň işlerini edýän wagtym Mukaddes Kitabyň ses ýazgysyny diňleýärin. Şeýdip, her gün Hudaýyň Sözüni okap bilýärin».

• Tutanýerli boluň. Eger garaşylmadyk işler çykyp planyňyz üýtgese, şol günüň dowamynda iň bolmanda birnäçe aýady okamagy maksat ediniň. «Dama-dama köl bolar» diýlişi ýaly, birnäçe aýadyň hem uly peýdasyny görersiňiz (1 Pet. 2:2).