16 Nang makita ni Josias ang mga libingan sa bundok, ipinakuha niya ang mga buto sa mga libingan at sinunog ang mga iyon sa altar para gawin itong di-karapat-dapat sa pagsamba, ayon sa salita ni Jehova na inihayag ng lingkod ng tunay na Diyos na humulang mangyayari ang mga bagay na ito.+ 17 Pagkatapos, sinabi niya: “May nakikita akong puntod doon. Kanino iyon?” Sinabi sa kaniya ng mga lalaki sa lunsod: “Libingan iyon ng lingkod ng tunay na Diyos mula sa Juda+ na humula ng mga bagay na ginawa mo sa altar ng Bethel.”