23 Nang pagkakataong iyon, may isang tao sa sinagoga nila na sinasapian ng isang masamang espiritu, at sumigaw ito: 24 “Bakit nandito ka, Jesus na Nazareno?+ Nandito ka ba para puksain kami? Alam ko kung sino ka talaga, ikaw ang isinugo ng Diyos!”*+ 25 Pero sinaway ito ni Jesus: “Tumahimik ka, at lumabas ka sa kaniya!” 26 At ang masamang espiritu, pagkatapos na pangisayin ang lalaki, ay humiyaw nang napakalakas at lumabas sa kaniya.+ 27 Manghang-mangha ang mga tao kaya nag-usap-usap sila: “Ano ito? Isang bagong paraan ng pagtuturo!* Nauutusan niya kahit ang masasamang espiritu, at sumusunod sila sa kaniya.” 28 Kaya ang balita tungkol sa kaniya ay agad na kumalat sa buong lupain ng Galilea.