ZEFANIAS
1 Ang mensahe ni Jehova na dumating kay Zefanias* na anak ni Cusi na anak ni Gedalias na anak ni Amarias na anak ni Hezekias noong panahon ni Josias+ na anak ni Amon+ na hari ng Juda:
2 “Lubusan kong papawiin ang lahat ng bagay mula sa ibabaw ng lupa,” ang sabi ni Jehova.+
3 “Papawiin ko ang tao at ang hayop.
Papawiin ko ang mga ibon sa langit at ang mga isda sa dagat,+
At ang mga katitisuran*+ kasama ng masasama;
At aalisin ko ang mga tao mula sa ibabaw ng lupa,” ang sabi ni Jehova.
4 “Iuunat ko ang kamay ko laban sa Juda
At laban sa lahat ng taga-Jerusalem,
At papawiin ko mula sa lugar na ito ang lahat ng bakas ni Baal,+
Ang pangalan ng mga saserdote ng huwad na diyos, pati na ang mga saserdote,+
5 At ang mga nasa bubong na yumuyukod sa hukbo ng langit,+
At ang mga yumuyukod at nangangako ng katapatan kay Jehova+
Samantalang nangangako ng katapatan kay Malcam;+
6 At ang mga tumatalikod mula sa pagsunod kay Jehova+
At hindi humahanap kay Jehova o sumasangguni sa kaniya.”+
7 Tumahimik ka sa harap ng Kataas-taasang Panginoong Jehova, dahil ang araw ni Jehova ay malapit na.+
Naghanda si Jehova ng isang hain; tinawag* niya ang mga inanyayahan niya.
8 “Sa araw ng hain kay Jehova, pananagutin ko ang matataas na opisyal,
Ang mga anak ng hari,+ at ang lahat ng nakadamit na pambanyaga.
9 Pananagutin ko ang lahat ng umaakyat sa plataporma* sa araw na iyon,
Ang mga nagpapalaganap ng karahasan at panlilinlang sa bahay ng panginoon nila.
10 Sa araw na iyon,” ang sabi ni Jehova,
“Maririnig ang paghiyaw mula sa Pintuang-Daan ng mga Isda,+
Ang paghagulgol mula sa Ikalawang Distrito ng lunsod,+
At ang malakas na pagbagsak mula sa mga burol.
11 Humagulgol kayo, kayong mga nakatira sa Maktes,*
Dahil ang lahat ng negosyante ay pinuksa;*
Ang lahat ng nagtitimbang ng pilak ay nilipol.
12 Sa panahong iyon, maghahanap akong mabuti sa Jerusalem gamit ang mga lampara,
At pananagutin ko ang mga nagwawalang-bahala* at nagsasabi sa sarili nila,
‘Si Jehova ay hindi gagawa ng mabuti, at hindi siya gagawa ng masama.’+
13 Ang kayamanan nila ay kakamkamin at ang mga bahay nila ay wawasakin.+
Magtatayo sila ng mga bahay, pero hindi nila matitirhan ang mga iyon;
At magtatanim sila ng ubas, pero hindi sila iinom ng alak mula roon.+
14 Ang dakilang araw ni Jehova ay malapit na!+
Malapit na ito at napakabilis ng pagdating nito!+
Ang ingay ng araw ni Jehova ay nakapipighati.*+
Sa araw na iyon ay sisigaw ang mandirigma.+
15 Ang araw na iyon ay araw ng galit,+
Araw ng kapighatian at ng pagdurusa,+
Araw ng bagyo at ng pagkatiwangwang,
Araw ng kadiliman at matinding karimlan,+
Araw ng makapal at maitim na ulap,+
16 Araw ng tambuli at ng hudyat ng labanan,+
Laban sa mga napapaderang* lunsod at laban sa matataas na tore sa mga kanto ng pader.+
18 Hindi sila maililigtas ng kanilang pilak o ginto sa araw ng galit ni Jehova;+
Dahil sa nag-aapoy niyang galit, ang buong lupa ay matutupok,+
Dahil magsasagawa siya ng pagpuksa, isang kakila-kilabot na pagpuksa, sa lahat ng nakatira sa lupa.”+
2 Bago ipatupad ang batas,
Bago lumipas ang araw na gaya ng ipa na tinangay ng hangin,
Bago dumating sa inyo ang nag-aapoy na galit ni Jehova,+
Bago dumating sa inyo ang araw ng galit ni Jehova,
3 Hanapin ninyo si Jehova,+ kayong lahat na maaamo* sa lupa,
Na sumusunod sa matuwid na mga batas* niya.
Hanapin ninyo ang katuwiran, hanapin ninyo ang kaamuan.*
Baka sakaling makubli kayo sa araw ng galit ni Jehova.+
5 “Kaawa-awa ang mga nakatira sa tabing-dagat, ang bansa ng mga Kereteo!+
Ang salita ni Jehova ay laban sa inyo.
O Canaan, na lupain ng mga Filisteo, wawasakin kita,
Para walang matira sa mga mamamayan mo.
6 At ang tabing-dagat ay magiging mga pastulan,
Na may mga balon para sa mga pastol at mga batong kulungan para sa mga tupa.
Sa mga bahay sa Askelon ay hihiga sila sa gabi.
Dahil bibigyang-pansin* sila ni Jehova na kanilang Diyos,
At titipunin niyang muli ang mga nabihag sa kanila.”+
8 “Narinig ko ang panghahamak ng Moab+ at ang pang-iinsulto ng mga Ammonita,+
Na nangungutya sa bayan ko at mayabang na pinagbabantaan ang kanilang teritoryo.+
9 Kaya isinusumpa ko, kung paanong buháy ako,” ang sabi ni Jehova ng mga hukbo, na Diyos ng Israel,
“Ang Moab ay magiging kagayang-kagaya ng Sodoma,+
At ang mga Ammonita, gaya ng Gomorra,+
Na tutubuan ng mga halamang kulitis at magiging hukay ng asin at permanenteng ilang.+
Darambungin sila ng mga natira sa bayan ko,
At itataboy sila ng nalabi sa bayan ko.
10 Ito ang mapapala nila dahil sa kayabangan nila,+
Dahil tinuya nila ang bayan ni Jehova ng mga hukbo at nagmataas sila rito.
11 Mamamangha* sila kay Jehova;
Dahil gagawin niyang walang kabuluhan* ang lahat ng diyos sa lupa,
At ang lahat ng isla ng mga bansa ay yuyukod* sa kaniya,+
Bawat isa mula sa kinaroroonan nito.
12 Kayong mga Etiope ay papatayin din sa pamamagitan ng aking espada.+
13 Iuunat niya ang kamay niya sa hilaga at pupuksain ang Asirya,
At ang Nineve ay gagawin niyang tiwangwang,+ tuyot na gaya ng disyerto.
14 Ang mga kawan ay hihiga roon, ang lahat ng uri ng maiilap na hayop.*
Ang pelikano at ang porcupino ay magpapalipas ng gabi sa bumagsak na mga haligi nito.
Isang tinig ang aawit sa may bintana.
Matatambak sa may pasukan ang mga guho;
At ihahantad niya ang mga dingding na sedro.
15 Ito ang mayabang na lunsod na dating nakaupong panatag,
Na nagsasabi sa sarili, ‘Ako ang pinakamagaling, at wala nang iba.’
Siya ay naging kakila-kilabot,
Naging higaan ng maiilap na hayop!
Lahat ng dadaan sa tapat niya ay mapapasipol at mapapailing.”*+
3 Kaawa-awa ang mapaghimagsik, ang marumi, ang mapang-aping lunsod!+
2 Hindi siya nakinig sa tinig;+ hindi siya tumanggap ng disiplina.+
Hindi siya nagtiwala kay Jehova;+ hindi siya lumapit sa kaniyang Diyos.+
3 Ang matataas na opisyal niya ay mga umuungal na leon.+
Ang mga hukom niya ay mga lobo* sa gabi;
Hindi sila nagtitira kahit ng butong mangangatngat sa umaga.
4 Ang mga propeta niya ay mayayabang, mga lalaking taksil.+
5 Si Jehova ay matuwid sa gitna ng lunsod;+ hindi siya gumagawa ng mali.
Uma-umaga ay ipinaaalam niya ang kaniyang mga hatol,+
Na hindi pumapalya gaya ng liwanag ng araw.
Pero ang di-matuwid ay walang kahihiyan.+
6 “Lumipol ako ng mga bansa; ang kanilang mga tore sa mga kanto ng pader ay naging tiwangwang.
Winasak ko ang mga kalye nila kaya wala nang dumadaan doon.
Gumuho na ang mga lunsod nila, walang tao, walang nakatira.+
7 Sinabi ko, ‘Tiyak na matatakot ka sa akin at tatanggapin mo ang disiplina,’*+
Pero lalo lang silang nanabik na gumawa ng masama.+
8 ‘Kaya patuloy kayong maghintay* sa akin,’+ ang sabi ni Jehova,
‘Hanggang sa araw na dumating ako para manamsam,*
Dahil ang hatol* ko ay ang tipunin ang mga bansa at mga kaharian,
Para ibuhos sa kanila ang galit ko, ang lahat ng lumalagablab kong galit;+
Dahil sa nag-aapoy kong galit, ang buong lupa ay matutupok.+
9 Dahil sa panahong iyon, papalitan ko ng dalisay na wika ang wika ng mga tao,
Para lahat sila ay makatawag sa pangalan ni Jehova
10 Mula sa rehiyon ng mga ilog ng Etiopia,
Ang mga nakikiusap sa akin, ang bayan kong nangalat, ay magdadala sa akin ng kaloob.+
11 Sa araw na iyon ay hindi ka mapapahiya
Dahil sa lahat ng pagrerebelde mo sa akin,+
Dahil sa panahong iyon ay aalisin ko ang mayayabang sa gitna mo;
At hindi ka na muling magyayabang sa aking banal na bundok.+
12 Hahayaan ko ang isang mapagpakumbaba at maamong bayan na manatili sa gitna mo,+
At manganganlong sila sa pangalan ni Jehova.
13 Ang mga natitira sa Israel+ ay hindi gagawa ng masama;+
Hindi sila magsisinungaling, at hindi nila gagamitin ang dila nila para mandaya;
Kakain* sila at hihiga, at walang sinumang tatakot sa kanila.”+
14 Sumigaw ka nang may kagalakan, O anak na babae ng Sion!
Sumigaw ka dahil sa tagumpay, O Israel!+
Magsaya ka at magalak nang buong puso, O anak na babae ng Jerusalem!+
15 Inalis ni Jehova ang mga kahatulan sa iyo.+
Itinaboy niya ang kaaway mo.+
Ang Hari ng Israel, si Jehova, ay nasa gitna mo.+
Wala ka nang katatakutang kapahamakan.+
16 Sa araw na iyon ay sasabihin sa Jerusalem:
“Huwag kang matakot, O Sion.+
Huwag mong hayaang lumaylay ang mga kamay mo.
17 Si Jehova na iyong Diyos ay nasa gitna mo.+
Siya ay makapangyarihan at magliligtas siya.
Magbubunyi siya sa iyo nang may malaking kagalakan.+
Magiging tahimik* siya dahil sa pag-ibig niya sa iyo.
Magsasaya siya sa iyo nang may mga hiyaw ng kagalakan.
18 Titipunin ko ang mga namimighati dahil hindi sila makapunta sa mga kapistahan mo;+
Hindi sila makapunta dahil pinapasan nila ang panghahamak sa kaniya.+
19 Sa panahong iyon, haharapin ko ang lahat ng umaapi sa iyo;+
At ililigtas ko ang umiika-ika,+
At titipunin ko ang mga nangalat.+
Gagawin ko silang kapuri-puri at tanyag*
Sa lahat ng lupain kung saan sila hiniya.
20 Sa panahong iyon ay pababalikin ko kayo,
Sa panahon ng pagtitipon ko sa inyo.
Dahil gagawin ko kayong tanyag* at kapuri-puri+ sa lahat ng bayan sa lupa,
Kapag tinipon ko sa harap ninyo ang mga nabihag sa inyo,” ang sabi ni Jehova.+
Ibig sabihin, “Ikinubli (Iningatan) ni Jehova.”
Lumilitaw na tumutukoy sa mga bagay o gawain na kaugnay ng pagsamba sa mga diyos-diyusan.
O “pinabanal.”
O “podyum.” Posibleng ang plataporma ng trono ng hari.
Malamang na isang lugar sa Jerusalem na malapit sa Pintuang-Daan ng Isda.
Lit., “pinatahimik.”
Lit., “ang mga namumuo sa kanilang latak,” gaya ng sa bariles ng alak.
Lit., “mapait.”
O “nakukutaang.”
Lit., “bituka.”
O “mapagpakumbaba.”
Lit., “sa hatol.”
O “kapakumbabaan.”
O “Sa tanghaling-tapat.”
O “pangangalagaan.”
O “Masisindak.”
O “gagawin niyang buto’t balat.”
O “sasamba.”
Lit., “ang bawat hayop ng isang bansa.”
Lit., “iwawagwag ang kamay.”
O “ay mababangis na aso.”
O “pagtutuwid.”
O “Paparusahan.”
O “Kaya matiyaga kayong maghintay.”
O posibleng “maging saksi.”
O “hudisyal na pasiya.”
O “sumamba sa kaniya nang may pagkakaisa.”
O “Manginginain.”
O “panatag; kontento.”
Lit., “isang pangalan.”
Lit., “isang pangalan.”