Ang Pinakamahalagang Pangyayari sa Kasaysayan

Ang pangyayari ay ang kamatayan ni Jesu-Kristo. Bakit gayon?

Ito ay nagbangong-puri sa katuwiran ng Diyos, pinatutunayan na ang tao ay makapag-iingat ng sakdal na integridad sa Diyos.

Binuksan nito ang pag-asa para sa sangkatauhan na magkamit ng buhay na walang-hanggan sa isang makalupang Paraiso.

Si Jesus mismo ang nagsimula sa memoryal ng kaniyang kamatayan noong gabi bago siya namatay. Ito ay isang payak na seremonya. Noong panahong iyon, sinabi ni Jesus sa kaniyang mga alagad: “Patuloy na gawin ninyo ito bilang pag-alaala sa akin.”​—Lucas 22:19, 20.

Aalalahanin mo ba?

Ikaw ay inaanyayahan ng mga Saksi ni Jehova na makisama sa kanila sa pagdiriwang sa pinakamahalagang pangyayaring ito sa kasaysayan. Sa taóng ito ang araw ay Miyerkules, Marso 22, paglubog ng araw. Pakisuyong alamin sa Kingdom Hall sa inyong lugar ang eksaktong oras at dako. Ito ay walang bayad, at ang mga panauhin ay tinatanggap upang makinig sa isang nakapagtuturong pahayag at masdan ang simpleng mga hakbang.