“Malaking Paglilingkod ang Ginagawa Ninyo sa mga Tao”

Isang lalaking taga-Goa, India, ang kumuha ng dalawang kopya ng Gumising! sa dalawang Saksi ni Jehova na dumalaw sa kaniyang tahanan. Pagkabasa niya sa mga ito, sumulat siya sa mga tagapaglathala ng magasin:

“Nagpapasalamat ako sa dalawang babaing dumalaw sa aking tahanan noong isang araw at nag-iwan ng mga kopya ng magasing Gumising! Palibhasa’y inakala kong propaganda lamang ang mga ito, hindi ko binigyang-pansin ang mga ito sa loob ng ilang panahon. Ngunit isang araw ay nasulyapan ko ang isa sa mga magasin, sa ‘Ang Maulang Gubat ng Amason’ (Marso 22, 1997). Sinimulan kong basahin ito at hindi ko ito maibaba hanggang sa buong-ingat kong mabasa ang kabuuan nito.

“Nasumpungan kong totoong kawili-wili at napakaraming impormasyon ang materyal sa Gumising! Humanga ako sa pagkakasari-sari ng mga paksa. Ang pinakagusto ko ay ang napakamakatuwiran at napakatimbang na pagtalakay sa iba’t ibang artikulo.”

Idinagdag pa ng mambabasang ito ng Gumising! na ngayon lamang nakabasa nito: “Malaking paglilingkod ang ginagawa ninyo sa mga tao dahil sa pagdadala ng ganitong mahalagang impormasyon sa kanilang tahanan.”

Ikaw man ay makikinabang mula sa pagbabasa ng Gumising! Kung nais mong tumanggap ng isa pang kopya o nais mo na may dumalaw sa iyong tahanan upang ipakipag-usap sa iyo ang Bibliya, sumulat sa Watch Tower, P.O. Box 2044, 1060 Manila, o sa angkop na direksiyon na nakatala sa pahina 5.