Maging Malapít sa Maylalang

Pagkatapos mabasa ang aklat na Maging Malapít kay Jehova, isang mambabasa sa California, E.U.A., ang sumulat: “Gusto kong sabihin sa inyo kung paano naging kapaki-pakinabang sa aking buhay at sa aking kaugnayan sa ating makalangit na Ama ang pagbabasa at pagbubulay-bulay sa aklat na ito. Nadarama kong kaibigan ko na si Jehova ngayon. Ito ang kauna-unahang publikasyon na nakapagpatawa, nakapagpaiyak, nakapagpamangha sa akin pagkatapos kong magbasa, at nag-udyok sa akin na manalangin agad kay Jehova. Nag-uumapaw ang puso ko sa pag-ibig kay Jehova, at alam kong ang aklat na ito ang isa sa mga dahilan kung bakit gayon ang nadarama ko.”

Naniniwala kaming makikinabang ka rin sa pagbabasa ng 320-pahinang aklat na ito na Maging Malapít kay Jehova. Makahihiling ka ng isang kopya kung pupunan mo ang kalakip na kupon at ihuhulog ito sa koreo sa adres na nasa kupon o sa isang angkop na adres na nakatala sa pahina 5 ng magasing ito.

□ Interesado akong tumanggap ng isang kopya ng aklat na Maging Malapít kay Jehova.

□ Pakisuyong makipag-ugnayan sa akin tungkol sa isang walang-bayad na pantahanang pag-aaral sa Bibliya.