Talaan ng mga Nilalaman

Mula nitong nagdaang mga taon, ang ating mga kongregasyon ay binubuo na ng sari-saring indibiduwal galing sa iba’t ibang bansa. Tinutulungan tayo ng unang artikulo na magpakita ng tunay na malasakit sa mga banyagang dumadalo sa mga pulong ng ating kongregasyon. Tinatalakay naman ng ikalawang artikulo kung paano maiingatan ng mga naglilingkod sa banyagang teritoryo ang kanilang espirituwalidad.

Tinatalakay ng mga artikulong ito ang dalawang aspekto ng pananampalataya na inilarawan sa Hebreo 11:1. Ipinakikita ng unang artikulo kung paano lálakí at mananatiling matibay ang ating pananampalataya. Ipinakikita naman ng ikalawang artikulo na ang tunay na pananampalataya ay hindi lang pagkaunawa sa mga pagpapalang ilalaan ni Jehova sa atin.