Mga Patalastas

● Alok na literatura sa Mayo: Isang taóng suskripsiyon sa Ang Bantayan sa ₱70.00. Hunyo: Ang bagong aklat, Ang Paghahanap ng Tao sa Diyos sa ₱24.00. Hulyo at Agosto: Alinman sa mga brochure sa ₱4.80.

● Magpapadala kami kasama ng inyong statement ng kuwenta sa Abril ng isang “Special Order Blank for Forms.” Pakisuyong suriin ang inyong suplay ng mga porma at pagkatapos ay ipadala ang inyong pidido karakaraka hangga’t maaari. Ang lahat ng pidido para sa mga porma ay dapat na matanggap sa tanggapang pansangay sa Agosto 31, 1991. Ang halaga ng mga porma ay sisingilin sa inyong kuwenta ng literatura. Tiyaking magpadala ng isang remittance mula sa pondo ng inyong kongregasyon upang mapagtakpan ang halaga ng mga pormang ito kapag lumitaw ang halagang ito sa inyong buwanang statement. Mahalaga: Tiyaking isama sa pidido para sa porma ang inyong pidido ng lapel card para sa pandistritong kombensiyon upang ang mga ito ay maipadala sa inyo kapag nailimbag na.

● Ang kuwenta ng kongregasyon ay dapat na i-audit sa Hunyo 1 o karakaraka pagkatapos nito ng punong tagapangasiwa o ng sinumang inatasan niya.

● Pasimula sa linggo ng Hunyo 10-16, ang lahat ng mga kongregasyong Cebuano, Hiligaynon, Iloko at Tagalog ay mag-aaral sa brochure na Papaano Maililigtas ng Dugo ang Inyong Buhay? sa mga pag-aaral ng kongregasyon sa aklat. Ang brochure ay isiserye sa Mayo 8 Hiligaynong Gumising! Ang mga tanong ay inilalaan sa insert na ito ng Ating Ministeryo sa Kaharian. Kasunod nito, pasimula sa linggo ng Hulyo 15-21, ang aklat na Apocalipsis ay pag-aaralan sa apat na wika sa itaas.