Mga Patalastas

◼ Alok na literatura sa Setyembre: Ang aklat na Kaalaman sa ₱25.00. Ang aklat na Life—How Did It Get Here? By Evolution or by Creation?, maliit na edisyon sa ₱40.00, malaking edisyon sa ₱75.00, ay maaaring ialok bilang kahalili kapag ang tao ay mayroon nang aklat na Kaalaman. Oktubre: Isang taóng suskrisyon alinman sa Gumising! o sa Ang Bantayan sa ₱120.00. Nobyembre: Ang aklat na Kaalaman o ang brosyur na Hinihiling ay maaaring ialok. Kung ang mga tao ay mayroon na nito, maaaring gamitin bilang alok ang alinman sa Mabuhay Magpakailanman o aklat na Creation. Disyembre: Bibliyang New World Translation kasama ang aklat na Kaalaman sa ₱125.00. Ang mga aklat na Mabuhay Magpakailanman o Salita ng Diyos ay maaaring ialok bilang mga kahalili. PANSININ: Ang mga kongregasyong hindi pa nakapipidido ng mga babasahin para sa kampanya gaya ng nabanggit sa itaas ay dapat na gumawa ng gayon sa kanilang susunod na buwanang Literature Order Form (S-AB-14).

◼ Pasimula sa Oktubre, ang mga tagapangasiwa ng sirkito ay magbibigay ng pahayag pangmadla na pinamagatang: “Gaano Katotoo ang Diyos sa Iyo?” kapag dumadalaw sa mga kongregasyon.

◼ Ang punong tagapangasiwa o sinumang inatasan niya ay dapat na mag-audit sa kuwenta ng kongregasyon sa Setyembre 1 o karaka-raka pagkatapos nito. Gumawa ng patalastas sa kongregasyon kapag naisagawa na ito.

◼ Ang matatanda ay pinaaalalahanan na sundin ang mga tagubiling ibinigay sa mga pahina 21-3 ng Abril 15, 1991, ng Bantayan, hinggil sa sinumang tiwalag o naghiwalay ng sarili na maaaring nagnanais na bumalik.