Mga Patalastas

◼ Alok na literatura sa Nobyembre: Iaalok ang aklat na Kaalaman o ang brosyur na Hinihiling. Kapag ang mga may-bahay ay mayroon na ng mga publikasyong ito, maaaring gamitin ang ibang mas matagal nang publikasyon. Disyembre: Maaaring ialok ang alinman sa sumusunod na mga aklat: Ang Pinakadakilang Tao na Nabuhay Kailanman, Ang Bibliya​—Salita ng Diyos o ng Tao?, Ang Aking Aklat ng mga Kuwento sa Bibliya, o Maaari Kayong Mabuhay Magpakailanman sa Paraiso sa Lupa. Enero: Alinman sa matatagal nang aklat na may 192 pahina ay maaaring ialok. Yaong mga walang matatagal nang aklat ay maaaring mag-alok ng Ang Paghahanap ng Tao sa Diyos. Pebrero: Alinman sa aklat na Creation o aklat na Apocalipsis Kasukdulan Nito ay maaaring ialok.

◼ Isasaayos ang isang programa para sa mga bingi sa “Masisigasig na Tagapaghayag ng Kaharian” na Pandistritong Kombensiyon sa Quezon City sa Disyembre 20-22, 2002. Ito ay kasabay ng kombensiyon sa wikang Ingles sa petsang iyon. Ang sinumang bingi na nakauunawa ng wikang pasenyas ay dapat na dumalo sa kombensiyong ito, yamang hindi magkakaroon ng programa para sa mga bingi sa iba pang mga kombensiyon.

◼ Dapat na i-audit ng punong tagapangasiwa o ng isa na inatasan niya ang kuwenta ng kongregasyon sa Disyembre 1 o karaka-raka pagkatapos nito hangga’t maaari. Gumawa ng patalastas sa kongregasyon kapag naisagawa na ito.

◼ Hindi tinutugon ng tanggapang pansangay ang mga pidido para sa literatura ng indibiduwal na mamamahayag. Dapat na isaayos ng punong tagapangasiwa na magkaroon ng patalastas bawat buwan bago ipadala sa sangay ang buwanang kahilingan ng kongregasyon para sa literatura upang lahat ng interesadong magkaroon ng personal na literatura ay makapagsabi sa kapatid na nangangasiwa sa literatura. Pakisuyong tandaan kung aling mga publikasyon ang mga special-request item.

◼ Dapat bigyang-pansin ng lahat ng dadalo sa Pandistritong Kombensiyon sa Zamboanga City na ito ay gaganapin sa Disyembre 27-29, 2002, sa halip na sa Disyembre 20-22.