Iniisip ba ng mga Saksi ni Jehova na Sila Lang ang Maliligtas?

Hindi. Milyon-milyong nabuhay noon na hindi naman Saksi ni Jehova ang may pag-asang maligtas. Ipinaliliwanag ng Bibliya na sa ipinangako ng Diyos na bagong sanlibutan, “magkakaroon ng pagkabuhay-muli kapuwa ng mga matuwid at mga di-matuwid.” (Gawa 24:15) Isa pa, maraming nabubuhay sa ngayon ang magsisimula pa lang na maglingkod sa Diyos, at sila rin ay maliligtas. Anuman ang kalagayan, hindi kami ang magsasabi kung maliligtas ang isa o hindi. Kay Jesus ibinigay ang atas na iyan.—Juan 5:22, 27.