Balang

Ang terminong “balang” sa Bibliya ay puwedeng tumukoy sa anumang uri ng tipaklong na may maiiksing antena, partikular na ang mga nandarayuhan nang kulu-kulupon. Ayon sa isang pag-aaral na ginawa sa Jerusalem, 75 porsiyento ng katawan ng mga balang sa ilang ay protina. Sa ngayon, iniihaw ito, pinapakuluan, piniprito, o binibilad. Karaniwan na, tinatanggal ang mga binti at pakpak nito. Sinasabing ito ay lasang hipon o alimango at mayaman sa protina.