Barya Mula sa Ciprus na May Titulong “Proconsul”

Ang baryang makikita rito, na natagpuan sa Ciprus, ay ginawa noong namamahala ang Romanong emperador na si Claudio. Siya ang emperador nang magpunta sina Pablo at Bernabe sa Ciprus noong mga 47 C.E. Makikita sa isang panig ng barya ang ulo at titulo ni Claudio, at sa kabilang panig naman, ang salitang Griego para sa “proconsul,” na tumutukoy sa gobernador ng islang iyon. Pinapatunayan ng nakasulat sa barya na tama si Lucas nang sabihin niyang si Sergio Paulo ang “proconsul” ng Ciprus.—Gaw 13:4, 7.