Umaawit ng Papuri kay Jehova ang mga Kristiyano sa Colosas

Sama-samang umaawit ng papuri ang mga bata at matanda sa kongregasyon sa Colosas. Malamang na sa simpleng bahay lang nagtitipon ang mga Kristiyanong ito para sumamba at hindi sa magagarbong gusali. Sa liham ni Pablo sa mga taga-Colosas, pinasigla niya silang “patuloy na turuan at patibayin ang isa’t isa na may kasamang mga salmo, papuri sa Diyos, at espirituwal na awit.” (Col 3:16) Kaya bukod sa mga awit na nasa Hebreong Kasulatan, posibleng may kinakanta rin silang mga bagong komposisyon na may temang pang-Kristiyano. (Mar 14:26) Alam na alam ni Pablo na talagang nakakapagpatibay at nakakaaliw ang ‘pag-awit ng papuri sa Diyos.’—Gaw 16:25.