Angaw-angaw na mga Espiritung Nilalang

Binabanggit sa atin ng Bibliya na maraming espiritung persona. Si Jehova mismo ay isang espiritu.—Juan 4:24; 2 Corinto 3:17, 18.

May panahon na si Jehova ay nag-iisa sa sansinukob. Pagkatapos siya ay nagpasimulang lumalang ng espiritung mga persona na tinatawag na mga anghel. Sila ay mas makapangyarihan at mas matatalino kaysa mga tao. Lumalang si Jehova ng maraming anghel; ang lingkod ng Diyos na si Daniel, sa isang pangitain, ay nakakita ng sandaang angaw na mga anghel.—Daniel 7:10; Hebreo 1:7.

Ang mga anghel na ito ay nilalang ng Diyos bago pa man niya ginawa ang lupa. (Job 38:4-7) Walang isa man sa kanila ay tao na minsa’y nabuhay at namatay sa ibabaw ng lupa.