AWIT 55
Huwag Matakot sa Kanila!
1. Ibalita aking bayan
Ang tungkol sa Kaharian.
Ang Anak ko’y Hari na,
Diyablo’y inihagis niya!
Malapit na niyang gapusin
Ang kaaway na ito.
Ginhawa at kalayaan,
Inyo nang matatamo.
(KORO)
Mahal ko, huwag kang matakot
Sa mga banta nila.
Lingkod ko ay iingatan
Dahil siya’y mahalaga.
2. Kaaway man ay marami
At nanghahamak sila.
Minsa’y nagkukunwari
Nang kayo ay madaya.
Anuman ang pag-uusig,
Huwag silang katakutan.
Ang tapat ay maliligtas;
Tagumpay makakamtan.
(KORO)
Mahal ko, huwag kang matakot
Sa mga banta nila.
Lingkod ko ay iingatan
Dahil siya’y mahalaga.
3. ’Di kita kalilimutan,
Akin kang iingatan.
Kahit ang kamatayan
ay ’di makahahadlang.
Mawala man ang ’yong buhay,
Maaalala kita.
Manatili kang tapat at
Tiyak ang ’yong gantimpala!
(KORO)
Mahal ko, huwag kang matakot
Sa mga banta nila.
Lingkod ko ay iingatan
Dahil siya’y mahalaga.
(Tingnan din ang Deut. 32:10; Neh. 4:14; Awit 59:1; 83:2, 3.)