ARALIN 12

Mabait at May Empatiya

1 Tesalonica 2:7, 8

KUNG ANO ANG GAGAWIN: Magsalita nang taimtim at may damdamin, at ipadama sa mga tagapakinig mo na nagmamalasakit ka.

Isipin ang mga tagapakinig mo. Ihanda ang iyong puso; isipin mo ang mga pinagdadaanan nila. Isipin kung ano ang nadarama nila.
Piliing mabuti ang mga salitang gagamitin mo. Sikaping gawin itong nakagiginhawa, nakapagpapatibay, at nakapagpapalakas. Iwasang gumamit ng pananalitang makakasakit sa kanila, at huwag magsalita nang negatibo tungkol sa mga di-Saksi o sa mga paniniwalang pinanghahawakan nila.
Ipakita mong nagmamalasakit ka. Sa pamamagitan ng mabait na tono ng boses at angkop na pagkumpas, ipadama sa mga tagapakinig mo na talagang nagmamalasakit ka. Maging palaisip sa ekspresyon ng iyong mukha; dalasan mo ang pagngiti.

Maging natural sa pagpapakita ng emosyon—hindi pilít o sobra. Lagyan ng damdamin ang pagbabasa at ibagay ito sa binabasa mo, pero huwag hayaang doon lang mapunta ang atensiyon ng tagapakinig. Magsalita sa mabait at maibiging paraan.