ARALIN 18

May Matututuhan

1 Corinto 9:19-23

KUNG ANO ANG GAGAWIN: Pag-isipin ang mga tagapakinig; dapat na madama nilang may mahalaga silang natutuhan.

Isipin kung ano ang alam na ng mga tagapakinig. Sa halip na basta ulitin ang dati na nilang alam, tulungan silang may matutuhang bago sa paksa.

Gawing mabilis ang pagtalakay sa pamilyar na mga punto, pero bagalan ang pagtalakay sa bagong mga ideya.
Magsaliksik at magbulay-bulay. Kung posible, gumamit din ng di-gaanong pamilyar na mga impormasyon o ng kasalukuyang mga pangyayari sa pagpapaliwanag ng pangunahing mga ideya. Pag-isipang mabuti ang materyal at ang koneksiyon nito sa mga impormasyong gusto mong banggitin.

Habang pinag-aaralan mo ang materyal, pag-isipan ang mga tanong na gaya ng ‘ano, bakit, kailan, saan, sino, at paano.’ Gawing buháy ang pagtuturo mo sa pamamagitan ng pagbibigay ng ganoong mga tanong at pagsagot sa mga iyon sa buong pahayag mo.
Ipakitang makakatulong ang mensahe mo. Ipaliwanag kung paano makakatulong sa pang-araw-araw na buhay ng mga tagapakinig mo ang tatalakayin mong mga punto sa Kasulatan. Tumalakay ng espesipikong mga sitwasyon na nararanasan o ikinababahala ng mga tagapakinig mo at mga saloobin at paggawi na karaniwan sa kanila.