JERIMOT

[mula sa salitang-ugat na nangangahulugang “maging mataas (mapadakila)”].

1. Isang anak o inapo ng panganay ni Benjamin na si Bela, at isang magiting at makapangyarihang lalaki.​—1Cr 7:6, 7.

2. Isang Benjamitang mandirigma na sumuporta kay David habang ito ay nasa Ziklag at nagtatago dahil kay Haring Saul.​—1Cr 12:1, 2, 5.

3. Isang Meraritang Levita.​—1Cr 24:26, 30; tingnan ang JEREMOT Blg. 3.

4. Isang Kohatitang Levita.​—1Cr 6:33; 25:4; tingnan ang JEREMOT Blg. 4.

5. Ang prinsipe sa tribo ni Neptali noong panahon ng pamamahala ni David; anak o inapo ni Azriel.​—1Cr 27:19, 22.

6. Isang anak ni David na ang anak na babae ay napangasawa ni Haring Rehoboam. (2Cr 11:18) Yamang si Jerimot ay hindi kasama sa talaan ng mga anak ni David sa mga asawa nito na binanggit ang pangalan, maaaring siya ay anak ng isang babae ni David o ng isang asawa nito na hindi binanggit ang pangalan. (2Sa 5:13) Lumilitaw na si Jerimot ay napangasawa ng kaniyang pinsang si Abihail, ang anak ng pinakamatandang kapatid ni David na si Eliab.​—2Cr 11:18; 1Sa 17:13.

7. Isa sa mga Levitang komisyonado na nangangasiwa sa bukas-palad na abuloy, ikapu, at mga banal na bagay na dinadala noong panahon ng paghahari ni Hezekias.​—2Cr 31:12, 13.