Sampol na Presentasyon

Para makapagpasimula ng mga pag-aaral sa Bibliya sa unang Sabado ng Agosto

“Halos lahat ay nananalangin. Kahit ang mga ateista ay nagdarasal kapag nasa panganib. Sa tingin mo, pinakikinggan kaya ng Diyos ang lahat ng panalangin?” Hayaang sumagot. Ipakita ang huling pahina ng Agosto 1 ng Bantayan, at talakayin ang materyal sa ilalim ng unang tanong at kahit isa sa mga binanggit na teksto. Ialok ang mga magasin, at sabihing babalik ka para talakayin ang susunod na tanong.

Paalaala: Dapat itong itanghal sa pagtitipon para sa paglilingkod sa larangan sa Agosto 3.

Ang Bantayan Agosto 1

“Dumadalaw kami dahil marami ang nababahala sa paglaganap ng pornograpya. Pero marami rin ang nag-iisip na isa itong libangan na hindi nakapipinsala. Ano sa palagay mo? [Hayaang sumagot.] Sinabi ni Jesus na makikita sa bunga kung mabuti ang isang bagay o hindi. [Basahin ang Mateo 7:17.] Tinatalakay sa magasing ito ang nagiging bunga ng pornograpya. Nagbibigay rin ito ng praktikal na mga payo kung paano makalalaya sa pornograpya.”

Gumising! Agosto

“Gusto nating mabuhay nang matagal hangga’t maaari. Sa palagay mo, makakadiskubre kaya ang siyensiya ng paraan para mabuhay tayo magpakailanman? [Hayaang sumagot.] Pansinin ang pambihirang pangakong ito. [Basahin ang 1 Corinto 15:26.] Pero paano ito gagawin ng Diyos​—sa pamamagitan kaya ng siyensiya o sa ibang paraan? At bakit tayo tumatanda at namamatay sa ngayon? Ipinakikita sa magasing ito kung ano ang sagot ng Bibliya.”