Problema sa Kalikasan—Ano ang Gagawin ng Kaharian ng Diyos Dito?

“Malaking problema sa mga tao, lunsod, at kalikasan ang climate change. Dahil dito, mas lumalakas ang mga bagyo sa buong mundo, at sinisira ng mga ito ang mga bahay at kabuhayan. Umiinit ang mga karagatan, at posibleng mawala ang maraming species ng hayop.”—Inger Andersen, under-secretary-general ng United Nations at executive director ng UN Environment Programme, Hulyo 25, 2023.

Kaya bang magtulungan ng mga gobyerno para masolusyunan ang mga problemang ito? May permanenteng solusyon ba silang maibibigay?

Sinasabi ng Bibliya na may isang gobyerno na kaya at gustong solusyunan ang lahat ng problema sa kalikasan. Mababasa natin dito na “ang Diyos ng langit ay magtatatag ng isang kaharian” na tatapos sa lahat ng problema sa buong mundo. (Daniel 2:44) Sa ilalim ng gobyernong ito, walang tao ang “mananakit o maninira” ng kalikasan.—Isaias 11:9.