Nirerespeto ba ng mga Saksi ni Jehova ang Ibang Relihiyon?

Sinusunod namin ang payo ng Bibliya na ‘igalang ang lahat ng tao’—anuman ang kanilang relihiyon. (1 Pedro 2:17, Magandang Balita Biblia) Halimbawa, may daan-daang libong Saksi ni Jehova sa ilang bansa. Pero hindi namin ginigipit ang mga politiko at mambabatas na ipagbawal ang ibang relihiyon. Hindi rin kami nangangampanya para ipasá ang isang batas na mag-oobliga sa mga tao na sumunod sa aming pamantayan sa moralidad at relihiyon. Sa halip, nirerespeto namin ang ibang relihiyon kung paanong nirerespeto rin nila kami.—Mateo 7:12.