Watchtower ONLINE LIBRARY

Mateo 11:19

Bagong Sanlibutang Salin ng Banal na Kasulatan
- 19 Ang Anak ng tao ay kumakain at umiinom,+ pero sinasabi ng mga tao, ‘Matakaw ang taong ito at mahilig uminom ng alak; kaibigan siya ng mga maniningil ng buwis at ng mga makasalanan.’+ Pero ang karunungan ay makikita sa* gawa.”*+

Mateo 11:19

Bagong Sanlibutang Salin ng Banal na Kasulatan
- 19 ang Anak ng tao ay dumating na kumakain at umiinom,+ gayunma’y sinasabi pa rin ng mga tao, ‘Narito! Isang taong matakaw at mahilig uminom ng alak, kaibigan ng mga maniningil ng buwis at ng mga makasalanan.’+ Gayunpaman, ang karunungan ay pinatutunayang matuwid ng mga gawa nito.”+

Mga Study Note sa Mateo—Kabanata 11

Bagong Sanlibutang Salin ng Banal na Kasulatan (Edisyon sa Pag-aaral)
- 11:19
  
  Anak ng tao: Tingnan ang study note sa Mat 8:20.
  
  maniningil ng buwis: Tingnan ang study note sa Mat 5:46.
  
  ang karunungan ay makikita sa gawa: Lit., “ang karunungan ay pinatutunayang matuwid ng mga gawa nito.” Dito, inihalintulad sa isang tao ang karunungan at sinasabing may mga gawa ito. Sa kaparehong ulat, sinasabi namang ang karunungan ay may mga “anak.” (Luc 7:35, tlb.) Ang mga anak ng karunungan—o ang mga gawa nina Juan Bautista at Jesus—ang magpapatunay na mali ang mga akusasyon sa kanila. Para bang sinasabi ni Jesus: ‘Tingnan ninyo ang matuwid na mga gawa namin at makikita ninyong hindi totoo ang paratang sa amin.’