Watchtower ONLINE LIBRARY

Marcos 7:34

Bagong Sanlibutang Salin ng Banal na Kasulatan
- 34 Tumingala siya sa langit, huminga nang malalim, at sinabi sa lalaki: “Effata,” ibig sabihin, “Mabuksan ka.”

Marcos 7:34

Bagong Sanlibutang Salin ng Banal na Kasulatan
- 34 At habang nakatingala sa langit+ ay nagbuntunghininga+ siya nang malalim at sinabihan ito: “Effata,” na ang ibig sabihin ay “Mabuksan ka.”

Mga Study Note sa Marcos—Kabanata 7

Bagong Sanlibutang Salin ng Banal na Kasulatan (Edisyon sa Pag-aaral)
- 7:34
  
  huminga nang malalim: Madalas iulat ni Marcos ang nadarama ni Jesus, na posibleng mula sa paglalahad ni Pedro, na nakadarama rin ng matitinding emosyon. (Tingnan ang “Introduksiyon sa Marcos.”) Ang pandiwang ito ay posibleng tumutukoy sa paghinga nang malalim o pagdaing habang nananalangin, na nagpapakita ng simpatiya ni Jesus sa lalaki o ng sakit na nararamdaman ni Jesus dahil sa pagdurusa ng lahat ng tao. Sa Ro 8:22, ginamit ang kaugnay na pandiwa para lumarawan sa ‘pagdaing’ ng lahat ng nilalang.
  
  Effata: Transliterasyon sa Griego na ipinapalagay ng ilan na nagmula sa Hebreong salitang-ugat na isinaling “mabubuksan” sa Isa 35:5. Siguradong ang paggamit ni Jesus ng ekspresyong ito ay tumatak sa isip ng mga nakasaksi sa pangyayaring ito, at posibleng kasama dito si Pedro, na maaaring naglahad nito kay Marcos nang salita-por-salita. Gaya noong bigkasin ni Jesus ang “Talita kumi” (Mar 5:41), isa ito sa iilang pagkakataon na iniulat ang sinabi ni Jesus nang salita-por-salita.