Watchtower ONLINE LIBRARY

Juan 12:3

Bagong Sanlibutang Salin ng Banal na Kasulatan
- 3 At kumuha si Maria ng isang libra* ng mabangong langis na gawa sa nardo,* puro at napakamamahalin, at ibinuhos iyon sa mga paa ni Jesus at pinunasan ang mga paa nito ng kaniyang buhok. Amoy na amoy sa buong bahay ang mabangong langis.+

Juan 12:3

Bagong Sanlibutang Salin ng Banal na Kasulatan
- 3 Nang magkagayon, kumuha si Maria ng isang librang mabangong langis, tunay na nardo,+ napakamamahalin, at pinahiran niya ang mga paa ni Jesus at pinunasan ang kaniyang mga paa ng kaniyang buhok.+ Ang bahay ay napuno ng samyo ng mabangong langis.

Mga Study Note sa Juan—Kabanata 12

Bagong Sanlibutang Salin ng Banal na Kasulatan (Edisyon sa Pag-aaral)
- 12:3
  
  Maria: Ang kapatid nina Marta at Lazaro. (Ju 11:1, 2) Siya ang “babae” na tinutukoy sa kaparehong ulat sa Mat 26:7 at Mar 14:3.
  
  libra: Ang terminong Griego na liʹtra ay karaniwan nang sinasabing ang Romanong libra (mula sa salitang Latin na libra). Kaya ito ay mga 327 g (11.5 oz).—Tingnan ang Ap. B14.
  
  mabangong langis . . . napakamamahalin: Makikita sa ulat ng Juan na sinabi ni Hudas Iscariote na puwedeng ibenta ang langis na ito sa halagang “300 denario.” (Ju 12:5) Katumbas iyan ng mga isang-taóng sahod ng karaniwang trabahador. Sinasabing ang mabangong langis na ito ay galing sa mabangong halaman (Nardostachys jatamansi) na matatagpuan sa kabundukan ng Himalaya. Ang nardo ay karaniwan nang hinahaluan, o pinepeke pa nga, pero parehong binanggit nina Marcos at Juan na puro ang langis na ginamit ni Maria.—Mar 14:3; tingnan sa Glosari, “Nardo.”
  
  ibinuhos iyon sa mga paa ni Jesus: Tingnan ang study note sa Mar 14:3.