Watchtower ONLINE LIBRARY

Juan 14:2

Bagong Sanlibutang Salin ng Banal na Kasulatan
- 2 Maraming tirahan sa bahay ng Ama ko; kung hindi ay sinabi ko sana sa inyo. Pero ngayon, aalis ako para maghanda ng lugar para sa inyo.+

Juan 14:2

Bagong Sanlibutang Salin ng Banal na Kasulatan
- 2 Sa bahay ng aking Ama ay maraming tirahan.+ Kung hindi ay sinabi ko sana sa inyo, sapagkat paroroon ako upang maghanda ng dako+ para sa inyo.

Mga Study Note sa Juan—Kabanata 14

Bagong Sanlibutang Salin ng Banal na Kasulatan (Edisyon sa Pag-aaral)
- 14:2
  
  tirahan: Ang salitang Griego na mo·neʹ ay dito lang lumitaw at sa Ju 14:23, kung saan isinalin itong ‘maninirahan.’ Kung minsan, ang terminong ito ay ginagamit ng sekular na mga literatura para tumukoy sa tuluyan ng mga manlalakbay, pero karamihan ng iskolar ay naniniwalang sa kontekstong ito, nangangako si Jesus ng permanenteng tirahan sa bahay ng Ama niya sa langit, kung saan siya pupunta. Para makapaghanda si Jesus ng lugar para sa mga alagad niya, kailangan niyang umakyat sa langit at iharap sa Diyos ang halaga ng dugo niya. (Heb 9:12, 24-28) Nang gawin niya ito, naging posible na para sa mga tao na umakyat din sa langit.—Fil 3:20, 21.
  
  maghanda ng lugar para sa inyo: Para magawa ito, kailangang bigyang-bisa ni Jesus ang bagong tipan sa pamamagitan ng pag-akyat sa langit at paghaharap sa Diyos ng halaga ng dugo niya. Kailangan ding tumanggap ni Kristo ng kapangyarihan bilang hari, at pagkatapos nito, magsisimula na ang pagbuhay-muli sa mga pinahiran niyang tagasunod tungo sa langit.—1Te 4:14-17; Heb 9:12, 24-28; 1Pe 1:19; Apo 11:15.