Talababa

d Bilang ganti sa banta ng mga Kastila na susundin ng mga konkistadores ang mga hakbang ng mga misyonero, pinapatay ng Hapones na shogun na si Hideyoshi ang maraming Jesuita at Franciscano. Isang pakanang Jesuita na sakupin ang Tsina sa tulong ng mga boluntaryong Pilipino at Hapones ay walang alinlangang nagpasidhi sa mga paghihinala tungkol sa mga motibo ng Jesuita sa Hapón. Espesipikong binanggit ng opisyal na pagbabawal, na dumating noong 1614, ang mga pangamba na ang layon ng Katoliko ay “baguhin ang pamahalaan ng bansa at kunin ang bansa.”