Talababa

a Mula 1894 hanggang 1927, ang naglalakbay na mga tagapagsalitang isinugo ng Samahan ay unang tinawag na mga kinatawan ng Tower Tract Society, pagkatapos ay mga pilgrim. Mula 1928 hanggang 1936, palibhasa’y higit na idiniriin ang paglilingkod sa larangan, sila’y tinawag na mga regional service director. Pasimula noong Hulyo 1936, upang patingkarin ang wastong pakikipag-ugnayan sa lokal na mga kapatid, sila’y nakilala bilang regional servants. Mula 1938 hanggang 1941, ang mga lingkod ng sona ay inatasang maglingkod sa isang limitadong bilang ng mga kongregasyon na iikutin nila, anupat dinadalaw nila ang mga grupo ring iyon nang hali-halili sa loob ng isang takdang panahon. Pagkaraang mapahinto ng mga isang taon, ang paglilingkurang ito ay pinasimulang muli noong 1942 na ang tawag sa kanila ay mga servants to the brethren. Noong 1948 ang terminong lingkod ng sirkito ang ginamit; ngayon ay tagapangasiwa ng sirkito.