Sa loob ng pahabang lupain na pampangasiwaan, may 25,000-siko-kuwadradong dako na tinatawag na “buong abuloy” at nasa gitna nito ang santuwaryo ni Jehova. Ang dalawang natitirang bahagi ng lupain sa S at sa K ng dakong ito ay inilaan sa pinuno. (Eze 48:20-22; tingnan ang PINUNO.)

Kung gayon, ang aktuwal na sukat ng “banal na abuloy” ay 25,000 siko mula sa S hanggang sa K at 20,000 siko mula sa H hanggang sa T. Binubuo ito ng dalawang pahabang lupain na tig-10,000 siko ang lapad, anupat ang isa ay iniatas sa mga saserdote at ang isa naman ay sa mga Levita. Ang natitira sa 25,000-siko-kuwadradong abuloy ay “bagay na di-banal,” anupat ginamit “para sa lunsod, bilang isang tahanang dako at bilang pastulan.”​—Eze 48:10, 13-15, 18, 20, 21.