Pagkatapos ng Baha, si Noe at ang kaniyang mga anak, na pinagmulan ng lahat ng tao sa ngayon, ay inutusang magpakita ng paggalang sa buhay, sa dugo, ng kanilang kapuwa. (Gen 9:1, 5, 6)

Dahil sa pangmalas ng Diyos sa kahalagahan ng buhay, ang lupa ay sinasabing nadurungisan dahil sa dugo ng isang taong pinaslang, at malilinis lamang ang karungisang iyon kung ibububo ang dugo ng mamamaslang. Salig dito, ipinahihintulot ng Bibliya ang parusang kamatayan para sa pagpaslang, ngunit sa pamamagitan ng itinalagang awtoridad. (Bil 35:33; Gen 9:5, 6)