Sumunod ay sinabi ng marunong na hari sa mga kabataan: “Makinig ka, anak ko, sa disiplina ng iyong ama, at huwag mong iiwan ang kautusan ng iyong ina. Sapagkat ang mga iyon ay putong na kahali-halina sa iyong ulo at magandang kuwintas sa iyong leeg.”​—Kawikaan 1:8, 9.

Sa katunayan, sa buong Bibliya, ang pamilya ang saligang yunit sa pagkakaloob ng edukasyon. (Efeso 6:1-3) Ang pagsunod ng mga anak sa nananampalataya nilang mga magulang ay tila pag-aadorno sa kanila ng isang palamuting putong ng kagandahan at isang kuwintas ng karangalan.