9. Anong punto ang sinabi ni Jesus, gaya ng nakaulat sa Mateo 24:36?

⁹ Ang inihulang gawaing pangangaral ng Kaharian at iba pang bahagi ng tanda ng pagkanaririto ni Jesus ay natutupad na ngayon mismo. Kaya naman, malapit na ang wakas ng balakyot na sistemang ito ng mga bagay. Totoo, sinabi ni Jesus: “May kinalaman sa araw at sa oras na iyon ay walang sinuman ang nakaaalam, kahit ang mga anghel sa mga langit kahit ang Anak, kundi ang Ama lamang.” (Mateo 24:4-​14, 36) Subalit matutulungan tayo ng hula ni Jesus na maging handa para “sa araw at sa oras na iyon.”

14. Ano ang sinabi ni Jehova kay Noe nang dakong huli, at bakit?

¹⁴ Nang malapit nang matapos ang daong, baka naisip ni Noe na napipinto na ang Baha, bagaman hindi niya alam kung kailan talaga ito magaganap. Sinabi ni Jehova sa kaniya nang dakong huli: “Sa loob lamang ng pitong araw pa ay magpapaulan ako sa ibabaw ng lupa nang apatnapung araw at apatnapung gabi.” (Genesis 7:4) Nagbigay ito ng sapat na panahon kay Noe at sa kaniyang pamilya upang ipasok sa daong ang lahat ng uri ng hayop at sila mismo ay pumasok doon bago magsimula ang Baha. Hindi natin kailangang malaman ang araw at oras ng pagsisimula ng pagpuksa sa sistemang ito; hindi ipinagkatiwala sa atin ang tungkol sa kaligtasan ng mga hayop, at ang mga taong may pag-asang makaligtas ay pumapasok na sa makasagisag na daong, ang espirituwal na paraiso ng bayan ng Diyos.