Sinabi ni Jesus: “Manalangin kayo, kung gayon, sa ganitong paraan: ‘Ama namin na nasa langit, pakabanalin nawa ang iyong pangalan. Dumating nawa ang iyong kaharian. Mangyari nawa ang iyong kalooban, kung paano sa langit, gayundin sa lupa. Ibigay mo sa amin ngayon ang aming tinapay para sa araw na ito; at patawarin mo kami sa aming mga pagkakautang, kung paanong pinatawad din namin ang mga may utang sa amin. At huwag mo kaming dalhin sa tukso, kundi iligtas mo kami mula sa isa na balakyot.’”​—Mateo 6:9-13.

“Huwag mo kaming dalhin sa tukso, kundi iligtas mo kami mula sa isa na balakyot.” Ang “isa na balakyot” ay si Satanas na Diyablo, na tinatawag ding “Manunukso.” (Mateo 4:3) Dahil mahina ang ating di-sakdal na laman, kailangan natin ang tulong ng Diyos para malabanan si Satanas at ang mga taong ginagamit niya.​—Marcos 14:38.