Ngayon, upang ipakita ang aral para sa kaniyang mga alagad, si Jesus ay nagpatibay-loob: “Makipagkaibigan kayo sa pamamagitan ng di-matuwid na kayamanan, upang, kung mabigo ang gayon, kayo’y tanggapin nila sa walang-hanggang mga tahanang dako.”

Subalit gaya ng sinasabi ni Jesus, sila’y dapat makipagkaibigan sa pamamagitan ng mga kayamanang ito sa mga maaaring tumanggap sa kanila “sa walang-hanggang mga tahanang dako.” Para sa mga kabilang sa munting kawan, ang mga dakong ito ay nasa langit; para sa mga ibang tupa naman, ang mga ito ay nasa lupang Paraiso. Yamang tanging ang Diyos na Jehova at ang kaniyang Anak ang maaaring tumanggap sa mga tao upang mapapunta sa mga dakong ito, tayo’y dapat magsipag sa paggamit ng anumang “di-matuwid na kayamanan” na mayroon tayo upang itustos sa mga kapakanan ng Kaharian at sa gayo’y mapasulong ang pakikipagkaibigan sa mga ito. At kung magkagayon, kapag bumagsak na o pumanaw ang materyal na mga kayamanan, na tiyak namang mangyayari, ang ating walang-hanggang kinabukasan ay malalagay sa kasiguruhan.