3, 4. (a) Paano patuloy na tinuturuan ni Jesus ang mga tapat tungkol sa Kaharian ng Diyos? (b) Ano ang tatalakayin natin sa kabanatang ito?

³ Sinabi ni Jesus ang pananalita sa Juan 16:12 noong huling gabi niya sa lupa. Pagkamatay niya, paano pa niya maituturo sa mga tapat ang tungkol sa Kaharian ng Diyos? Tiniyak niya sa kaniyang mga apostol: ‘Aakayin kayo ng espiritu ng katotohanan sa lahat ng katotohanan.’a (Juan 16:13) Ang banal na espiritu ay parang isang matiyagang giya. Ginagamit ito ni Jesus para ituro sa kaniyang mga tagasunod ang anumang kailangan nilang malaman tungkol sa Kaharian ng Diyos​—sa panahong kailangan na nila itong malaman.