PAGDALAW-MULI
ARALIN 7
Matiyaga
Prinsipyo: “Walang pagod silang nagpatuloy sa pagtuturo at paghahayag ng mabuting balita.”—Gawa 5:42.
Ang Ginawa ni Pablo
1. Panoorin ang VIDEO, o basahin ang Gawa 19:8-10. Pagkatapos, pag-isipan ang sumusunod na mga tanong:
Imbes na sumuko noong sinasalansang siya ng ilan, paano nagtiyaga si Pablo na tulungan ang mga nagpakita ng interes?
Gaano kadalas binalikan ni Pablo ang mga interesado, at gaano niya katagal ginawa iyon?
Ang Matututuhan Natin kay Pablo
2. Kailangang magsikap at maglaan ng panahon para maging epektibo ang pagdalaw nating muli at makapagpasimula ng Bible study.
Tularan si Pablo
3. Ibagay ang schedule mo sa schedule ng kausap mo. Pag-isipan: ‘Kailan ko kaya siya mas malamang na makausap? Anong oras at saan kaya siya mas kumbinyenteng makipag-usap sa akin?’ Sikaping balikan siya kahit hindi kumbinyente sa iyo ang oras na iyon.
4. Makipag-appointment. Bago matapos ang bawat pag-uusap, alamin kung kailan siya puwedeng makausap ulit. Sikaping balikan siya sa oras at lugar na napagkasunduan ninyo.
5. Huwag mawalan ng pag-asa. Huwag agad isipin na hindi interesado ang isang tao kung bihira mo siyang madatnan sa bahay o lagi siyang busy. (1 Cor. 13:4, 7) Maging matiyaga. Pero siyempre, siguraduhing nagagamit mong mabuti ang oras mo.—1 Cor. 9:26.