Awit

43 Hatulan mo ako,+ O Diyos,

At ipakipaglaban mo ang aking usapin sa batas+ laban sa bansang hindi matapat.

Mula sa taong mapanlinlang at liko ay paglaanan mo nawa ako ng pagtakas.+

 2 Sapagkat ikaw ang Diyos na aking tanggulan.+

Bakit mo ako itinakwil?

Bakit ako naglalakad na malungkot dahil sa paniniil ng kaaway?+

 3 Isugo mo ang iyong liwanag at ang iyong katotohanan.+

Patnubayan nawa ako ng mga ito.+

Dalhin nawa ako ng mga ito sa iyong banal na bundok at sa iyong maringal na tabernakulo.+

 4 At paroroon ako sa altar ng Diyos,+

Sa Diyos, na aking may-pagbubunying kasayahan.+

At pupurihin kita sa alpa, O Diyos, aking Diyos.+

 5 Bakit ka nanlulumo, O kaluluwa ko,+

At bakit ka nababagabag sa loob ko?

Maghintay ka sa Diyos,+

Sapagkat pupurihin ko pa siya bilang ang dakilang kaligtasan ng aking pagkatao at bilang aking Diyos.+