Awit 40

Pinapagtatagumpay ang Ating Daan

(Josue 1:8)

1. Sinabi ng Diyos kay Josue:

‘Ang utos ko’y sundin.

Basahing may pagbubulay

At pakatuparin.

Sa labi huwag ihiwalay,

Ito’y iyong patnubay.

Nang ikaw ay magtagumpay,

Sa puso mo’y gabay.

Nang ikaw ay magtagumpay,

Sa puso mo’y gabay.’

2. Diyos nag-utos sa Israel,

Sa mga naghari:

‘Utos, sa sariling kamay

Gagawa ng sipi,

Babasahin habang buhay

Nang huwag magmalaki.’

Lupa niya’y pagpapalain;

Araw niya’y darami.

Lupa niya’y pagpapalain;

Araw niya’y darami.

3. Sa Bibliya’y matatagpuan

Patnubay sa buhay.

Pagka tayo’y nasisinsay,

Diyos sa ’ti’y aakay.

Isip niya’y mauunawa;

Ating bubulayin.

Pag Diyos sa ati’y sumanay,

Utos niya’y susundin.

Pag Diyos sa ati’y sumanay,

Utos niya’y susundin.