Awit 32
“Sa Bahay-bahay”
1. Bahay-bahay, bayan-bayan,
Mabuting balita
Laging ipinangangaral
Ng matanda’t bata.
Ang tupa’y pinakakain
Saanman sa lupa,
Pagka’t Kaharian ng Diyos
Ay namamahala.
2. Bahay-bahay, nayon-nayon,
Ating ipangaral
Kaligtasa’y sa tatawag
Sa ngalan niyang banal.
Papa’no nga ang pagtawag
Sa hindi kilala?
Sa bahay-bahay itanyag
Ngalan ni Jehova.
3. Sabihin pa, hindi lahat
Ay mangakikinig;
May tututol, mag-uusig,
Pinto’y ipipinid.
Katulad din nang panahon
Ng Pangino’ng Jesus.
Nguni’t ang tupa’y tutugon
At aasang lubos.
4. Kaya’t sa bawa’t pintuan
Kaharia’y ’balita.
Kung sinong tupa o kambing,
Tao’y magpapasiya.
Basta’t ating ihahayag
Ngalan ni Jehova.
Paglapit natin sa pinto,
Kaypala’y may tupa.