Nasiyahan Ka Ba?
1 Kung ikaw ay isa sa mga nag-auxiliary pioneer noong Marso at Abril ng taóng ito, nasiyahan ka ba sa iyong pantanging gawain? Kung gayon, walang alinlangan na ipagpapatuloy mo ang iyong pagpapayunir sa buwang ito. Maaari mo pa ngang isaayos ang iyong mga gawain upang maging isang auxiliary pioneer buwan-buwan mula ngayon. Ito’y magpapangyaring maipagpatuloy mo ang pangangalaga sa mga pag-aaral sa Bibliya na iyong napasimulan sa panahon ng iyong pagpapayunir.
2 Sa ating pandistritong kombensiyon, may kabuuang 4,493 ang nabautismuhan. Marahil ang ilan sa mga ito ay nagpasimulang mag-auxiliary pioneer pagkatapos na pagkatapos ng bautismo at umaasang magiging kuwalipikado bilang mga regular pioneer sa Hulyo. Nais naming pasiglahin ang lahat na may pananalanging isaalang-alang ang tunguhin na maging regular pioneer kahit na sa Setyembre 1, 1998 sa pagpapasimula ng bagong taon ng paglilingkod.