Magtiis Hanggang sa Wakas

1. Ang mga pangako ng Diyos,

mapananaligan.

Pagsubok sa katapatan

ay ’yong nakakayanan.

Ika’y nagiging matatag

at nadadalisay rin.

Pananampalataya mo,

Lalo pang patibayin.

2. Pag-ibig mo noong una

ay huwag mong iwanan.

Sa kabila ng pagsubok,

Lagi kang manghawakan.

Alinlangan o takot man,

Huwag hayaang humadlang.

Makakaya mong harapin,

Ang Diyos ’di ka iiwan.

3. Maliligtas ang magtiis

hanggang kawakasan;

Nando’n sa aklat ng buhay,

ang kanilang pangalan.

Kaya’t gawin mong tunguhin:

Magtiis nang lubusan.

Pagsang-ayon ni Jehova,

Dulot ay kagalakan.