Introduksiyon sa Salita ng Diyos

Ang Bibliya ay naglalaman ng mensahe, o salita, ng Diyos para sa atin sa ngayon. Ipinapakita nito kung paano tayo magiging matagumpay sa buhay at kung paano natin mapasasaya ang Diyos. Sinasagot din nito ang sumusunod na mga tanong:

1 Sino ang Diyos?
2 Paano ka matututo tungkol sa Diyos?
3 Sino ang awtor ng Bibliya?
4 Tama ba ang sinasabi ng Bibliya pagdating sa siyensiya?
5 Ano ang mensahe ng Bibliya?
6 Ano ang inihula ng Bibliya tungkol sa Mesiyas?
7 Ano ang inihula ng Bibliya tungkol sa panahon natin?
8 Dapat bang isisi sa Diyos ang pagdurusa ng mga tao?
9 Bakit nagdurusa ang mga tao?
10 Ano ang ipinapangako ng Bibliya na mangyayari sa hinaharap?
11 Ano ang nangyayari sa isang tao kapag namatay siya?
12 Ano ang pag-asa para sa mga patay?
13 Ano ang sinasabi ng Bibliya tungkol sa pagtatrabaho?
14 Paano mo maiiwasan ang problema sa pera?
15 Paano ka magiging maligaya?
16 Paano mo maiiwasan ang sobrang pag-aalala?
17 Paano makatutulong ang Bibliya sa pamilya mo?
18 Paano ka mapapalapít sa Diyos?
19 Ano ang nilalaman ng mga aklat ng Bibliya?
20 Paano ka makikinabang nang husto sa pagbabasa ng Bibliya?

KUNG PAANO MAGHAHANAP NG MGA TEKSTO SA BIBLIYA

Ang Bibliya ay binubuo ng 66 na maliliit na aklat. Hinati ito sa dalawang bahagi: ang Kasulatang Hebreo-Aramaiko (“Lumang Tipan”) at ang Griegong Kasulatan (“Bagong Tipan”). Ang bawat aklat ng Bibliya ay hinati sa mga kabanata at talata. Kapag may binanggit na teksto, ang unang numero pagkatapos ng pangalan ng aklat ay tumutukoy sa kabanata, at ang kasunod na numero o mga numero ay tumutukoy sa talata o mga talata. Halimbawa, ang Genesis 1:1 ay tumutukoy sa Genesis kabanata 1, talata 1.